Cabir Baxşiyev
🎓 Kompüter müəllimi
Baxşiyev Cabir Şahab oğlu 1988-ci ildə Lənkəran rayonunun Ürgə kəndində anadan olmuşdur. 2006-cı ildə həmin kəndin tam orta məktəbini yüksək qiymətlərlə bitirmişdir. 2006–2008-ci illərdə Dövlət Sərhəd Qoşunlarında hərbi xidmət keçmiş və nümunəvi xidmətinə görə “kiçik çavuş” hərbi rütbəsi ilə təltif olunmuşdur. 2008–2009-cu illərdə informasiya və kommunikasiya texnologiyaları üzrə bir sıra təlim kurslarında fəal iştirak etmiş, yüksək nəticələr əldə edərək müvafiq diplom və sertifikatlara layiq görülmüşdür. 2009–2015-ci illərdə “İntellekt” kursunda kompüter proqramları üzrə təlimçi və tədris mütəxəssisi kimi fəaliyyət göstərmiş, yüzlərlə gəncin İKT bacarıqlarına yiyələnməsinə töhfə vermişdir. 2015-ci ildə “STİM-L” Tədris Mərkəzini təsis etmişdir və hazırda həmin mərkəzin icraçı direktoru kimi fəaliyyətini davam etdirir.
Əbülfəz Nəsirzadə
🎓 Qanunvericilik müəllimi
Nəsirzadə Əbülfəz Xalid oğlu
8 yanvar 1996-cı ildə Lənkəran şəhərində anadan olmuşdur. Azərbaycan Respublikasının vətəndaşıdır. 2002-2013-cü illər də Lənkəran şəhər S.Kazımbəyov adına 6 nömrəli məktəb liseydə təhsil almışdır. 2008-2010-cu illər ərzində Anar Əliyev adına şahmat məktəbində təhsil almış, Lənkəran şəhərində keçirilmiş şahmat turnirində iştirak edərək 1-ci yeri tutmuşdur. 2011-ci ildə İREX Computer Course-nu sertifikatla bitirmişdir. 2012-ci ildə DQP layihəsində nəaliyyət əldə edərək təltifə layiq görülmüşdür. Ali təhsilini 2013-2017-ci illər də Lənkəran Dövlət Universitetinin İqtisadiyyat fakultəsinin , İqtisadiyyat və İdarəetmə ixtisasi üzrə bitirmişdir. 2022-ci ildə Dövlət İmtahan Mərkəzi tərəfindən keçirilən Dövlət Qulluğu imtahanından yüksək nəticə əldə etmişdir. 2022-ci ildən Qanunvericilik fənnini tədris edir. 2024-cü ildən Bakcell MMC Regional mərkəzində mütəxəssis vəzifəsində çalışır. 2025-ci ildə Bakcell şirkəti tərəfindən ayın işçisi sertifikatına layiq görülmüşdür.
Eyni zamanda 2026-cı ildən Stim-L Tədris Akademiyasında Qanunvericilik məllimi olaraq fəaliyyət göstərir.
Aydan Məmmədli
🎓 Tibb müəllimi
Məmmədli Aydan Yaşar qızı. 2000-ci ildə Lənkəran şəhərində anadan olmuşdur. 2018-ci ildə Lənkəran rayon 9 nömrəli tam orta məktəbi yüksək qiymətlərlə bitirmişdir.
2018-ci ildə Lənkəran Tibb kollecinin "Mamalıq" ixtisasına daxil olmuşdur. 2021-ci ildə təhsilini müvəffəqiyyətlə bitirmişdir. 2021-ci ildə Davinçi klinikasında Tibb müəlliməsi kimi fəaliyyət göstərmişdir. 2022-ci ildə Stim_L academy təlim təhsil müəssisəsində tibb müəlliməsi kimi fəaliyyət göstərmişdir və fəaliyyətini davam etdirməktədir. 2025-ci ildə Avicenna klikikası tərəfindən 3 aylıq masaj təlimini nəzəri və praktiki hissəsini tam olaraq müvəffəqiyyətlə sertifikatla başa vurmuşdur.
Elmir Nəcəfov
🎓 İnformatika, Sürücülük, fərdi Kompüter müəllimi
Nəcəfov Elmir Nazim oğlu 5 noyabr 1994-cü ildə Lənkəran rayonunun Digah kəndində anadan olmuşdur.
2001-ci ildə Lənkəran şəhər 10 saylı tam orta məktəbin 1-ci sinfinə daxil olmuş, 2012-ci ildə həmin məktəbin 11-ci sinfini bitirmişdir.
2012-ci ildə BİTK-yə daxil olmuş, təhsilini donduraraq hərbi xidmətə getmişdir. 2013–2014-cü illərdə Qazax rayonunda hərbi xidmətdə olmuş, xidmətini başa vurduqdan sonra 2014-cü ildə təhsilini davam etdirmiş və 2018-ci ildə bitirmişdir.
2018-ci ildən etibarən Stim-L Academy-də İnformatika və Sürücülük dərslərinin tədrisi ilə məşğuldur.
Günel Məmmədova
🎓 Alman dili müəllimi
Mən Məmmədova Günel Arzuman qızı, 19.04.1988-ci ildə Lənkəran rayonu, Lüvəsər kəndində anadan olmuşam. Orta təhsilimi Lüvəsər kənd orta məktəbində almışam.
2006-cı ildə Lənkəran Dövlət Universitetinin “Alman dili və ədəbiyyatı” ixtisasına qəbul olunmuşam. 2009-cu ildə Almaniyanın Marburq şəhərində yerləşən Phillips Universitetinin Hessische Internationale Sommeruniversität (ISU) proqramını bitirmişəm. 2010-cu ildə Lənkəran Dövlət Universitetində bakalavr təhsilimi başa vurmuşam.
2011–2015-ci illərdə FİNCA QBKT-də MDO vəzifəsində çalışmışam. 2026-cı ildən etibarən Stim-L Academy tədris mərkəzində alman dilini tədris edirəm.
Ailəliyəm, 3 övladım var.
Şəbnəm Cəfərli
🎓 Moda dizayn müəllimi
Cəfərli Şəbnəm 4 oktyabr 2001-ci ildə Azərbaycan Respublikasının Lənkəran şəhərində anadan olmuşdur. İlk təhsilinə Lənkəran rayonunun Bəlləbur kənd tam orta məktəbində başlamış, 6-cı sinfə qədər burada təhsil almışdır. Orta təhsilini Bakı şəhərində yerləşən 200 nömrəli məktəb-lisey kompleksində başa vurmuşdur.
Moda sahəsinə olan marağı onu bu istiqamətdə peşəkar təhsil almağa yönləndirmişdir. Moda dizaynı üzrə iki diplom və üç sertifikata malikdir. 2019–2020-ci illərdə LB Fashion School-da, 2020–2022-ci illərdə isə Chenille Fashion School-da təhsil alaraq moda dizaynı üzrə nəzəri və praktiki biliklərini formalaşdırmışdır.
Peşəkar fəaliyyətinə Bakı şəhərində dizayner və fərdi müəllim kimi başlamış, daha sonra həm Bakı, həm də regionlarda tədris fəaliyyətini genişləndirmişdir. Ümumilikdə 50-dən artıq tələbə ilə çalışmış, həm fərdi hazırlıq, həm də praktiki yönümlü dərslər aparmışdır. Bu dövrdə tələbə hazırlığı ilə yanaşı, dizayner kimi də fəaliyyət göstərmiş, şəxsi portfoliolar və kolleksiyalar üzərində işləmişdir.
Hazırda Lənkəran şəhərində yerləşən Stim-L Academy-də müəllim kimi fəaliyyətini davam etdirir. Moda üzrə çizim və sketç dərsləri tədris edir, tələbələrdə estetik baxışın, yaradıcı düşüncənin və peşəkar bacarıqların formalaşdırılmasına yönəlmiş müasir tədris metodlarından istifadə edir.
Zəhraxanım Heydərzadə
🎓 Azərbaycan dili müəllimi
Mən, Zəhraxanım Heydərzadə Emin qızı, 26.04.2002-ci ildə Lənkəran şəhərində anadan olmuşam. Orta təhsilimi Lənkəran şəhər 4 nömrəli tam orta məktəbdə almışam.
2019–2023-cü illər ərzində Lənkəran Dövlət Universitetinin “Azərbaycan dili və ədəbiyyatı” ixtisası üzrə bakalavr təhsili almışam.
2025-ci ildə Lənkəran şəhəri Kənarmeşə kənd tam orta ümumtəhsil məktəbində müəllim kimi fəaliyyətə başlamışam.
2026-cı ildən STİM-L Academy-də dövlət qulluğu üzrə Azərbaycan dili hazırlığına başlamışam və hazırda hazırlığa davam edirəm.
Ailəliyəm, 1 övladım var.
Cəmilə İbadzadə
🎓 Qənnadçılıq müəllimi
Cəmilə İbadzadə 11 sentyabr 1998-ci ildə Lənkəran şəhərinin Kərgəlan kəndində anadan olmuşdur. Orta təhsilini 2003–2012-ci illərdə Həbib Səfərov adına Kərgəlan kənd tam orta məktəbində başa vurmuşdur. Daha sonra 2012–2016-cı illərdə Lənkəran Dövlət Humanitar Kollecində Texnologiya müəllimliyi ixtisası üzrə orta ixtisas təhsili almışdır.
2016-cı ildən etibarən qənnadçılıq sahəsində fəaliyyətə başlamış, 2018-ci ildən etibarən Bakı şəhərində qənnadçılıq üzrə müxtəlif ixtisasartırma kurslarında iştirak edərək peşəkar bilik və bacarıqlarını təkmilləşdirmişdir. 2023-cü ildə şəxsi şirniyyat mağazasını təsis etmiş və hazırda həmin müəssisədə həm rəhbər, həm də tort dekoru üzrə mütəxəssis kimi fəaliyyət göstərir.
Eyni zamanda 2025-ci ildən Stim-L Academy-də qənnadçılıq təlimlərini tədris edən müəllim kimi fəaliyyət göstərərək tələbələrin peşəkar hazırlığına və praktiki biliklərinin inkişafına töhfə verir.
Ailəlidir, iki övladı var.
Gülay Hüseynova
🎓 SMM müəllimi
Mən Gülay Hüseynova Elşən qızı, 16.06.2005-ci il tarixində Lənkəran rayonu Boladi kəndində anadan olmuşam. 2011-ci ildə Lənkəran rayonu 2 nömrəli tam orta məktəbində təhsilimə başlamış və 2022-ci ildə həmin məktəbi bitirmişəm.
2022-ci ildə Lənkəran Dövlət Universitetinin Aqrar və Mühəndislik fakültəsinin Torpaqşünaslıq və Aqrokimya ixtisasına qəbul olmuşam. Həmin ildə Stim-L Academy-də kompüter kurslarında təhsil almış və kursu müvəffəqiyyətlə başa vurmuşam.
2022-ci ildən etibarən Stim-L Academy-də SMM mütəxəssisi kimi fəaliyyətə başlamışam. SMM sahəsi üzrə bir çox kurslarda iştirak edərək bilik və bacarıqlarımı inkişaf etdirmişəm.
2023-cü ildə “Edu Company” təhsil şirkətində təşkil olunan 2 aylıq SMM kursunu “Gold Level” səviyyəsində bitirmişəm. 2025-ci ildə isə “NovaTeach Education” kursunda keçirilən 3 aylıq SMM kursunu fərqlənmə diplomu ilə tamamlamışam.
2026-cı ildən etibarən Stim-L Academy-də SMM dərslərinin tədrisinə başlamışam. Hal-hazırda Lənkəran Dövlət Universitetində bakalavr təhsilimi davam etdirir və eyni zamanda Stim-L Academy-də SMM üzrə fəaliyyətimi davam etdirirəm.
Məfkurə Qurbanova
🎓 Tibb müəllimi
Qurbanova Məfkurə Nadir qızı 1991-ci ildə Astara rayonunda anadan olmuşdur. 2008-ci ildə Astara rayonunda yerləşən M.Ə. Sabir adına şəhər 1 saylı tam orta məktəbi yüksək qiymətlərlə bitirmişdir. 2010-cu ildə Astara Altay kursunda kompüter kursunu sertifikatla bitirmişdir. 2016-cı ildə Lənkəran Tibb Kollecinin Müalicə-profilaktika fakültəsinə daxil olmuş, 2018-ci ildə kolleci əla qiymətlərlə bitirmişdir. 2018-ci ildə Lənkəran Müalicə-Diaqnostika Mərkəzində əməliyyat bloku üzrə tibb bacısı vəzifəsində çalışmışdır. Daha sonra 2022-ci ildə Lənkəran Mərkəzi Xəstəxanasının reanimasiya şöbəsində anestezist vəzifəsində fəaliyyət göstərmişdir. 2024-cü ildə Lənkəran Tibb Kollecində tibbi təlim keçmiş, daha sonra Lənkəran rayonunda yerləşən Stim-L Academy-də tibb kursunu yüksək nəticələrlə bitirmişdir. 2024-cü ildə Səhiyyə Nazirliyi tərəfindən keçirilən Dövlət Sertifikasiya imtahanında yüksək nəticə göstərmiş və imtahandan uğurla keçmişdir. 2025-ci ildə Lənkəran rayonunda yerləşən Davinçi Klinikasında lazer kursunu sertifikatla bitirmiş və Türkiyədə təşkil olunan onlayn “Lazer Epilasyon Tedavi” təlimində iştirak edərək təlimi sertifikatla uğurla başa vurmuşdur. Hazırda Davinçi Klinikasında həm feldşer, həm də lazeroloq vəzifəsində çalışır. Eyni zamanda Stim-L Academy-də tibbi fənlər üzrə müəllim kimi fəaliyyət göstərir. Ailəlidir, 1 övladı var.
Əli Rəhimli
🎓 Proqramlaşdırma müəllimi
Rəhimli Əli Elşən oğlu – 2001-ci ildə Lənkəran şəhərində anadan olmuşdur.
2019-ci ildə Cəlilabad rayon Nizami Gəncəvi adına 1 saylı tam orta məktəbi yüksək qiymətlərlə bitirmişdir.
2019–2021-ci illərdə Azərbaycan Dövlət Neft və Sənaye Universitetinin nəzdində Sənaye və Texnologiya Kollecində
“Kompüter şəbəkələrinin hesablanması və servis xidməti” ixtisası üzrə təhsil almış və dövlət diplomu əldə etmişdir.
2020–2021-ci illərdə Coders Azerbaijan Academyasında İT sahəsi üzrə Front-end proqramlaşdırma ixtisasını müvəffəqiyyətlə bitirmiş və yüksək dərəcəli sertifikata layiq görülmüşdür.
2021–2022-ci illərdə Coders Azerbaijan Academyasında Mentor müəllim kimi fəaliyyət göstərmişdir.
2022–2023-ci illərdə ETNA Academy-də İT sahəsi üzrə Help Desk istiqamətində təhsil almış, bu sahəni dərindən mənimsəmiş və proqramı fərqlənmə ilə tamamlamışdır.
Eyni zamanda 2022–2023-ci illərdə fərdi təhsil yolu ilə Front-end proqramlaşdırma sahəsində biliklərini daha da inkişaf etdirərək HTML, CSS, Bootstrap, JavaScript,TypeScript, React.js,Phyton GitHub və Git Bash texnologiyalarını peşəkar səviyyədə mənimsəmişdir.
2024-ci ildən etibarən ETNA Academy-də IT üzrə müəllim kimi fəaliyyət göstərir.
2025-ci ildən etibarən isə STİM-L Academy-də IT müəllimi vəzifəsində çalışır.
Bununla yanaşı, freelance əsaslarla müxtəlif veb saytlar və veb tətbiqlər hazırlayaraq sifarişlər üzərində işləyir.
Samirə Əskərzadə
🎓 Rus dili müəllimi
Əskərzadə Samirə Sehran qızı Krasnovodsk şəhərində anadan olmuş və 16 il xarici ölkədə yaşamışdır. 9-cu sinifi fərqləndirmə ilə bitirmişdir. 2003–2004-cü illərdə yaşadığı ölkədə “Dillər dünyası” rəsmi dövlət kursu tərəfindən xarici dil üzrə sertifikatlar qazanmışdır. Həmçinin həmin illərdə kurs üzrə keçirilən xarici dil müsabiqəsində 2000-dən çox tələbə arasından seçilən 25 tələbə sırasına daxil olmuş və uğur qazanmışdır.
2005-ci ildə rus dili üzrə olimpiadalarda iştirak etmişdir. 10–11-ci sinifləri Lənkəran şəhər 4 nömrəli HTML’də bitirmişdir.
2009–2011-ci illərdə Azərbaycan Dövlət İqtisad Universitetinin nəzdində fəaliyyət göstərən Azərbaycan Maliyyə-İqtisad Kollecinin mühasibat uçotu ixtisasına qəbul olunmuşdur və 2011-ci ildə kolleci müvəffəqiyyətlə bitirmişdir.
2017–2018-ci illərdə Amadeus və “Сирена” sistemləri üzrə təlim keçərək uğur qazanmışdır.
2019–2024-cü illərdə Bakı Biznes Universitetində biznes və menecment (marketinq) ixtisası üzrə təhsil almışdır. 2023-cü ildə “Евразийский Экономический форум молодёжи” tədbirində Bakı Biznes Universitetini təmsil etmişdir.
Artıq 5 ildən çoxdur ki, Stim L Tədris Mərkəzində rus dili müəllimi kimi fəaliyyət göstərir. Ailəlidir.
Şəbnəm İbrahimova
🎓 İngilis dili müəllimi
Mən Şəbnəm İbrahimova Əkbər qızı, 20.09.1991-ci ildə Masallı rayonunda anadan olmuşam. Orta təhsilimi müxtəlif zamanlarda 1 saylı orta məktəb və “Dəfinə” liseyində Masallı rayonunda almışam.
2009-cu ildə Lənkəran Dövlət Universitetinin “ İngilis dili müəllimliyi” ixtisasına qəbul olmuşam və 2013-cü ildə bakalavr pilləsini bitirmişəm.
2019-cu ildə Lənkəran Dövlət Universitetinin Xarici dil müəllimliyi ixtisasının Xarici dilin tədrisi metodikası və metodologiyası (ingilis dili) üzrə magistr pilləsinə qəbul olmuşam və 2021-ci ildə magistraturanı bitirmişəm.
2014-2022 illər ərzində Lənkəran Tibb kollecində ingilis dili müəllimi olaraq fəaliyyət göstərmişəm.
2023-2024-cü tədris ili ərzində Lənkəran Dövlət Universitetinin nəzdində Sosial və Aqrar- Texnoloji kollecdə ingilis dili müəllimi olaraq çalışmışam.
2024-cü ildən etibarən Stim-L Academy tədris mərkəzində magistr hazırlığı üzrə ingilis dilini tədris edirəm.
Fəaliyyət dövrüm ərzində çoxlu sayda təlimlərdə, kurslarda iştirak etmişəm.
Ailəliyəm,2 övladım var.
Elbrus Həşimov
🎓 Məntiq müəllimi
Həşimov Elbrus Bəhruz oğlu 2000-ci ildə Rusiya Federasiyası Tümen vilayətində anadan olmuşdur. 2017-ci ildə Masallı rayon Mahmudavar tam orta məktəbini bitirmişdir. 2021-ci ildə LDU-nun Aqrar və mühəndislik fakültəsinin Aqronomluq ixtisası üzrə bakalavr təhsilini başa vurmuşdur. 2023-cü ildə LDU-nun Aqrar və mühəndislik fakültəsinin Torpaqşünaslıq və aqrokimya ixtisasının Aqrokimya ixtisaslaşması üzrə magistr dərəcəsinə yüksəlmişdir. 2022-ci ildə DİM-in keçirdiyi Dövlət qulluğu imtahanında uğurlu nəticə göstərərək "Dövlət quluğu" sertifikatını almışdır. 2022-ci ildən məntiq dərslərini onlayn şəkildə tədris edir. 2024-cü ildən Stim-L Academy Təhsil Mərkəzində məntiq üzrə müəllim vəzifəsində çalışır.
Leyla Məmmədli
🎓 Məntiq müəllimi
Mən, Məmmədli Leyla Şahin qızı 2002-ci ildə Lənkəran şəhərində anadan olmuşam. Orta təhsilimi 2008-2012-ci illərdə Lənkəran şəhəri A.Babayev 8 saylı orta məktəbdə almışam. 2012-ci ildən etibarən isə Lənkəran şəhəri S. Kazımbəyov adına 6 saylı tam orta məktəb- liseyə qəbul olmuşam. Həmin məktəbi fərqlənmə ilə bitirib, 2019-cu ildə Lənkəran Dövlət Universitetinin “İqtisadiyyat” ixtisasına 590 bal toplayaraq qəbul olmuşam. Qəbul olduğum il universitet üzrə ən yüksək qəbul balı topladığıma görə Təhsil Nazirliyi tərəfindən mükafatlandırılmışam. 2023-cü ildə Yekun attestasiyadan maksimum bal (100 bal) toplayaraq universiteti yüksək göstəricilərlə bitirmişəm. Elə həmin il Lənkəran Dövlət Universitetinin “İqtisadiyyatın tənzimlənməsi” ixtisasına qəbul olmuşam. Qəbul balım 89 bal idi və region birincisi olmuşam. 2023-cü ildə magistr pilləsini fərqlənmə ilə bitirmişəm (ÜOMG 98 bal). 2022-ci ildən “Stim-L Acamdemy”də məntiq müəllimi kimi fəaliyyət göstərirəm və qeyd edim ki, 2025-ci ildə keçirilən Magistr qəbul imtahanında region birincilərinin (hər iki mərhələ üzrə) məntiq müəllimiyəm. Eyni zamanda Lənkəran Dövlət Universitetində “İqtisadiyyat və innovativ idarəetmə kafedrasında” müəllim vəzifəsində çalışıram.
Zeynəb Ağayeva
🎓 İngilis dili müəllimi
Ağayeva Zeynəb Bəxtiyar qızı,20 iyun 2002-ci il tarixində Lənkəran şəhərində anadan olmuşdur. İlk dəfə 2008-ci ildə Lənkəran şəhər 2 saylı tam orta məktəbində təhsil almağa başlayıb, 2012-ci ildən etibarən təhsilini Lənkəran şəhər 3 nömrəli tam orta məktəbində davam etdirmişdir. 2019-cu ildə isə Həzi Aslanov adına 3 nömrəli tam orta məktəbi bitirmiş, elə həmin ildə Lənkəran Dövlət Universitetinin "Filologiya və İbtidai Təhsil" kafedrasının "İngilis dili üzrə Tərcümə" ixtisasına daxil olmuşdur.Lənkəran Dövlət Universitetini yüksək göstərici ilə bitirdikdən sonra isə 2023-cü ildə Stim-L Academy-də İngilis dili müəllimi kimi işləməyə başlamışdır.Bir çox "Training for English Language Teachers" üzrə sertifikatlara malikdir. Eyni zamanda beynəlxalq TKT sertifikatlı müəllimdir.
Fatimə Bədəlzadə
🎓 Mühasibatlıq və 1C, fərdi kompüter müəllimi
Bədəlzadə Fatimə Elxan qızı - 5 mart 2006-cı ildə Lənkəran rayonunun Şağlaküçə kəndində anadan olmuşdur.
2012–2016-cı illərdə Şağlaküçə kənd tam orta məktəbində təhsil almışdır. 2016–2021-ci illərdə təhsilini Lənkəran şəhər 8 nömrəli tam orta məktəbdə davam etdirmişdir.
2021–2024-cü illərdə Lənkəran Dövlət Universitetinin nəzdində Sosial və Aqrar-Texnoloji Kollecin “Məktəbəqədər təhsil” ixtisasını uğurla bitirmişdir.
2024–2025-ci illərdə “Mühasibatlıq” üzrə bir sıra ixtisasartırma kurslarında müvəffəqiyyətlə iştirak etmişdir. 2025-ci ildən “Stim-L Academy”də mühasibatlıq müəllimi kimi fəaliyyət göstərir.